Je, kuna vizuizi vyovyote vinavyoamua anayeweza kununua leseni au ni aina gani za video zinazoweza kuutumia muziki wangu?

Ndiyo. Chapa za kibiashara zilizo na chaneli ambazo ni maalumu kwa kutangaza chapa zao kwenye YouTube (Peloton, Tesla, Ubisoft, n.k.) na kampuni zinazozalisha maudhui ya kibiashara yanayozalishwa kwa ajili ya kumbi za sinema, televisheni au majukwaa ya utiririshaji (Netflix, Disney, Sony Pictures, n.k.) haziruhusiwi kununua leseni za YouTube Creator Music.

Pia, baadhi ya video ambazo hazistahiki kununua leseni ni:
 

• Video ambapo mtayarishaji wa YouTube alilipwa na chapa au huduma ili kutengeneza video ambayo kimsingi inatangaza bidhaa au huduma yao.
• Video ambapo mtayarishaji wa YouTube anaufanyia muziki wako mabadiliko. Kwa mfano, watayarishaji hawawezi kununua leseni ya kuutumia muziki wako na kisha kutoa remix ya wimbo huo.
• Video ambapo mtayarishaji wa YouTube analitumia jina/mfano wako ndani yake, kando na kutaja tu kuwa wewe ndiye msanii katika wimbo.
• Video ambazo ni picha tuli zikiwa na muziki unaocheza au video za mistari ya wimbo.
• Video ambazo zinaweza kuonekana kama za kukudharau wewe kama msanii wa wimbo.