Taarifa Maalumu za Maduka

Tunaelewa sana suala hilo: unaweza kuwa umeweka kila kitu sawa kabisa kwenye toleo lako, lakini tarehe ya kutolewa inapowadia, unagundua kuwa muziki wako umewekwa kwenye wasifu wa msanii mwingine. 😱😭

Hii ni mojawapo ya mambo yanayotatiza sana ambayo wasanii hupitia kwenye ulimwengu wa kisasa wa huduma za utiririshaji. Ingawa DistroKid imeweka zana kadhaa ili kujaribu kuunganisha ukurasa wa msanii kwa usahihi katika jaribio la kwanza, hatimaye miunganisho sio jambo ambalo msambazaji wako ana udhibiti wa moja kwa moja kwa sababu ni jambo linaloshughulikiwa na huduma.

KUTOKANA NA HAYO, DistroKid PIA imetengeneza zana kadhaa za kukusadia kuthibitisha muziki wako upo kwenye ukurasa sahihi baada ya kuuwasilisha.

Ili kuangalia ni wasifu upi ambao toleo lako litaunganishwa siku ya kutolewa kabla ya tarehe yako ya kutolewa, unaweza kuomba URI zako au Apple IDs kwa kutumia Spotify URI na Apple ID yaani Looker Upper Tools! Unaweza kuzipata zana hizi kwenye viungo vifuatavyo...

Kiangalizi cha URI ya Spotify https://distrokid.com/uri/spotify

Kiangalizi cha Apple ID: https://distrokid.com/uri/apple

Hebu tujaribu kwa kutumia Kiangalizi cha URI ya Spotify. Kwanza nenda kwenye https://distrokid.com/uri/spotify. Kisha, chagua toleo lako kutoka kwenye menyu kunjuzi. Nina toleo moja pekee kwenye akaunti hii kwa hivyo tayari limeshachaguliwa. Kumbuka kwamba ikiwa huoni toleo, inawezekana bado hatujaliwasilisha Spotify, tafadhali angalia tena kesho!

Baada ya kuwa umechagua toleo lako, endelea na bofya kitufe cha "Spotify URI ni nini". Ikiwa toleo lako tayari limeshachukuliwa na Spotify, unapaswa kuona albamu yako, wimbo na URI za msanii

Ikiwa una wasanii wengi kwenye toleo lako unalojaribu kuthibitisha wanaelekea kwenye wasifu sahihi, ondoa shaka! Wasifu wote wa wasanii na majukumu yao vitaorodheshwa chini ya sehemu ya "Msanii:". Angalia!

Endapo toleo lako bado halijachukuliwa na Spotify, kuna uwezekano utakutana na skrini hii:

Ondoa shaka! Kwa ujumla huchukua siku moja au zaidi kwa Spotify kuyachukua matoleo. Maelezo ya URI yako yatapatikana siku inayofuata au zaidi!

Kama hivyo ndivyo, angalia tena siku chache zijazo. Spotify itakuwa imeliingiza toleo lako na litapatikana kwa maombi ya URI kwenye ukurasa huu.

Mara unapoona URI za msanii / Apple ID kwa kutumia zana za kuangalia, hakikisha wasifu hizo za wasanii zinafanana na wasifu zako zilizopo kwenye maduka. Unaweza kufanya hivyo kwa kufuata URL zilizotolewa kwenye kurasa za kiangalizi, au kwa kuingiza URI moja kwa moja kwenye kitafutaji cha Spotify.

Ikiwa wasifu zako zinafanana, woohoo!! Kila kitu kimeunganishwa kwa usahihi, na uwe tayari kwa ajili ya siku ya kutolewa toleo husika.

Ikiwa havijaunganishwa ipasavyo, unaweza kutembelea https://distrokid.com/fixer ili kuwasilisha ombi la kutengeneza ukurasa mpya ikiwa inahitajika, au hamishia kazi yako kwenye ukurasa wako uliopo ikiwa huduma zilishindwa. Kwa maelezo zaidi kuhusu Zana yetu ya Kurekebisha, bofya hapa.

Kwa kawaida inawezekana kutafuta matoleo yako katika majukwaa mbalimbali bila kulazimika kusanidi akaunti inayolipiwa katika kila jukwaa. Vifuatavyo ni baadhi ya viungo muhimu unavyoweza kutumia kupata matoleo yako!

• Spotify: Tafuta kwenye https://open.spotify.com/ 
• Apple Music/iTunes: Tafuta kwenye https://music.apple.com/
• YouTube Music: Tafuta kwenye https://music.youtube.com/
• Amazon: Tafuta kwenye https://music.amazon.com/
• Pandora: Tafuta kwenye https://www.pandora.com/
• Deezer: Fungua akaunti pale https://www.deezer.com/register kutafuta
• TIDAL: Tafuta kwenye https://store.tidal.com/
• iHeartRadio: Tafuta kwenye https://www.iheart.com/
• Saavn: Tafuta kwenye https://www.jiosaavn.com/
• Anghami: Tafuta kwenye https://play.anghami.com/home
• KKBox: Tafuta kwenye https://www.kkbox.com/sg/en/
• Netease: Tafuta kwenye https://music.163.com/#
• Instagram: Tafuta katika kibandiko cha "Music" katika stories au katika sehemu ya "Audio" ya reels

Kila huduma inaweza kuwa tofauti kidogo na nyingine, lakini kwa kawaida unaweza kutafuta jina lako la kisanii, nenda kwenye ukurasa wako wa msanii, na kisha nakili URL. Furahia utafutaji!

P.S. Ukiona upo kwenye ukurasa wa msanii usio sahihi, au msanii mwingine yupo kwenye ukurasa wako, nenda kwa https://distrokid.com/fixer na tutasaidia kutatua suala hilo!

TIDAL sasa ina ukurasa wa kufikia msanii, TIDAL Artist Home ambapo unaweza kudhibiti wasifu wako kwenye Tidal, na pia kutumia Zana zao za Mtunzi wa Nyimbo ili kuweza kuona katalogi yako ya mtunzi wa nyimbo na kuongeza mirabaha inayoweza kutokea.

Simamia Wasifu Wako kwenye Tidal

TIDAL Artist Home husaidia wasanii kusimamia jinsi wanavyoonekana kwa mashabiki wao kwenye TIDAL.

Unaweza kuinyakua profaili yako ya msanii na kufanya maelezo muhimu yakufae kama vile picha yako ya wasifu, wasifu wako, na viungo vya mitandao ya kijamii, na vilevile kutazama takwimu kadhaa muhimu kuhusu jinsi muziki wako unavyofanya kwenye jukwaa la TIDAL.

Pia unaweza kuripoti maudhui yasiyo sahihi moja kwa moja kwa TIDAL ndani ya sekunde chache, kualika washiriki wa timu na kupata ufikiaji wa kila kitu ambacho TIDAL itaunda kwa ajili ya wasanii katika siku zijazo.

Pata kufikia Tidal Artist Home Songwriter Tools

Zana za mtunzi wa nyimbo za TIDAL Artist Home hukusaidia kuona katalogi yako na mwongozo kuhusu mchakato wa usajili na uchapishaji, ili uweze kuwa na uhakika kwamba unapokea sifa na kulipwa fidia ipasavyo. Hatua ni hizi:

Hatua ya 1:
Jipange. Dhibiti wasifu wako kama mtunzi wa nyimbo ukiwa na mwongozo na mwonekano katika michakato ya usajili na uchapishaji. Jisajili na PRO (AllTrack); panga IPI yako, PRO, na maelezo ya mchapishaji yote katika sehemu moja; na uwe na sifa za kupata kufanikiwa kwa kukusanya mirabaha kwa orodha rahisi za kukagua.

Hatua ya 2:
Kagua katalogi yako. TIDAL hukagua kazi zako kutoka vyanzo mbalimbali na kuzipanga kistadi katika vikundi vitatu: Kazi Zilizokamilishwa, Kazi Zisizo na Rekodi na Kazi Ambazo Hazijaainishwa. Mwonekano huu wazi hukupa maarifa na mwonekano wa kina katika katalogi yako, huashiria metadata inayokosekana, na hutoa mwongozo wa jinsi ya kurekebisha makosa au mapengo ili kuwezesha fidia bora (na sahihi).

Hatua ya 3:
Kagua kazi mahususi ili kuripoti makosa, ongeza ISWC, uhariri rekodi zinazoainishwa, na utengeneze makubaliano ya migawanyo (yaani split sheets) ambazo zinaweza kutumiwa na wafanyikazi-wenza wenza ili kufuatilia umiliki wa utunzi.

Ili kupata profaili yako ya Msanii wa TIDAL kwa kutumia DistroKid:

• Ingia kwenye DistroKid
• Bofya kwenye Menyu ya Vipengele ya DistroKid upande wa juu kulia
• Bonyeza "Ufikiaji Maalum"
• Bofya "TIDAL Artist Home" na kisha "Anza"
• Fuata maelekezo yaliyotolewa na TIDAL ili kufikia Profaili yako ya Msanii

Je, natumaje muziki wangu kwa Facebook?

Ili kufikisha muziki wako kwenye katalogi ya muziki ya Facebook:

• Muziki mpya: Chagua kisanduku cha kuteua cha "Instagram na Facebook” unapopakia muziki wako kwenye DistroKid.
• Muziki wa zamani: Ingia DistroKid → Bofya albamu yako → Bofya "Ongeza kwenye maduka zaidi" → Chagua "Instagram/Facebook" → Bofya "Ongeza". Iwapo huoni "Instagram/Facebook" hapa, basi hongera, lazima ulichagua kuingia ulipopakia muziki wako na tayari umeongezwa.

Je, huduma ya Uwezeshaji wa Kuingiza Fedha na Facebook Unafanyaje kazi?

Kuchagua kujiunga na usambazaji kwa Facebook/Instagram huruhusu watumiaji kuweka muziki wako katika maudhui wanayotengeneza na kusambaza kwenye Facebook na Instagram. Hii inajumuisha vipengee kama maktaba ya Sauti zinazoweza kutafutwa. Kutuma muziki wako Facebook huruhusu muziki wako kupata fursa ya kupata mapato.

Kumbuka: Baadhi ya video zinaweza kutolewa sauti kwa sababu ya vikwazo kwenye bidhaa. Kama kawaida, video za Facebook/Instagram zinazoiga kusikilizwa kwa sauti pekee haziruhusiwi. Mifano ni pamoja na picha-mnato, video, au mitiririko ya moja kwa moja yenye kiasi kikubwa cha sauti zilizotumika.

Je, itanigharimu kiasi kipi kuwezesha muziki wangu kuingiza fedha kwenye Facebook/Instagram?

Hakuna malipo unapokuchagua kusambaza kupitia Facebook/Instagram na kuongeza muziki wako kwenye maktaba ya sauti.

Ikiwa ungependa kuchuma mapato ya UGC kwenye Facebook na Instagram, angalia Social Media Pack hapa.

Muziki wangu ulikuwa hewani kwenye Instagram na sasa umetoweka

Tazama makala hii kwa maelezo zaidi!

Ikiwa ulitafuta kwa jina la msanii au jina la toleo na bado huupati muziki wako, kuna uwezekano kuwa mojawapo ya yafuatayo limetokea:

• Huenda Muziki wako bado haupo hewani. Kwa maelezo zaidi kuhusu muda ambao toleo linachukua ili kupatikana kwenye huduma na kwenda hewani, bofya hapa.

• Huduma bado inafahirisi jina lako la msanii. Hadi jina lako liwekwe kwenye farihisi, linaweza kukosekana katika utafutaji, licha ya muziki wako kuwa hewani. Hili ni suala la ndani la huduma za utirishaji (hatuna udhibiti wa matokeo ya utafutaji), lakini haifai kuchukua muda mrefu sana kwao kufarihisi jina lako baada ya toleo lako kwenda hewani. Kwa kawaida hii hutokea ikiwa hii ni mara ya kwanza kutumia jina lako la msanii.

• Jina la toleo lako ni la kawaida mno. Ikiwa una jina la wimbo au la albamu ambalo ni la kawaida, kama vile "Nyumbani," huenda lisitokee kwenye nafasi za juu za matokeo ya utafutaji, ikiwa matoleo mengine yenye jina sawa yana umaarufu zaidi.

Muziki Haupo kwenye Instagram kwa zaidi ya wiki tatu baada ya kuwasilisha?

Kila huduma ya utiririshaji ina mwongozo wa staili yake--ya jinsi wanavyoonyesha taarifa.

Unapopakia muziki kwenye DistroKid, tunaumbiza upya data na kuuwasilisha kivyake kwa kila huduma ya utirishaji, kwa kuzingatia mwongozo wa staili ya kila huduma.

Hapa chini ni mfano wa jinsi wasanii walioshirikishwa wanavyoonekana tofauti katika Apple Music ukilinganisha na Spotify.

Apple Music:

Spotify:

Inaweza kuchukua hadi wiki moja au zaidi kwa upakiaji wako wa kwanza kwenye DistroKid kwenda hewani katika huduma zote za utiririshaji. (Kwa maelezo zaidi kuhusu muda unaochukuliwa kwa matoleo kwenda hewani kwenye huduma za utiririshaji, tafadhali angalia nakala ya Maswali Yanayoulizwa Mara kwa Mara, hapa)

Hata baada ya toleo lako kwenda hewani, inaweza kuhitaji muda wa ziada wa kuchakata kabla DistroKid haijatambua matoleo yako katika huduma za utiririshaji. Hivyo basi, bado unaweza kufikia viungo vyako vya Spotify kabla matoleo yako kutolewa kwa kutembelea https://distrokid.com/uri. Iangalie!!

Ikiwa unajaribu kuthibitisha papo hapo Wasifu wako wa Spotify for Artists na unaona ujumbe unaosema kuwa toleo lako bado halijaonekana, tafadhali jaribu tena baadaye au thibitisha moja kwa moja kupitia Spotify kwa njia ya kizamani. 🤘🏽🤘🏽🤘🏽

Wakati mwingine maudhui yataonekana kwenye huduma za utiririshaji kabla hayajachakatwa kikamilifu. Ukiwahikuwa na wasiwasi kuhusu jambo fulani, tunapendekeza ulipe muda kati ya saa 48 hadi 72 ili lijitatue.

Kutoka muda unapopakia, inaweza kuchukua siku 1-2 za kazi kwa toleo lako kukaguliwa, kuidhinishwa na kutumwa kwenye huduma za utiririshaji. Kisha, huduma za utiririshaji zina muda wa ziada wa kuchakata kwa upande wao kabla ya kupeleka maudhui yako hewani.

Kwa maelezo zaidi kuhusu muda unaochukua ambao matoleo huchukua kwenda hewani kwenye huduma za utiririshaji mara yanapoidhinishwa, tafadhali angalia Makala ya Maswali Yanayoulizwa Mara kwa Mara.

Ucheleweshaji ni nadra lakini wakati mwingine hutokea na mara nyingi huwa nje ya uwezo wetu. Tafadhali, angalia tena makala hii kuhusiana na tarehe za kutolewa--Hasa sehemu ya "Kumbuka".

Huduma nyingi na huduma za utiririshaji hugandamiza mafaili ya sauti ili kuyafanya yapakuliwe haraka. Athari za jambo hilo ni kwamba sauti iliyogandamizwa ili kupunguza ukubwa wa faili inaweza isisikike vizuri kama nyimbo asili ulizopakia kwenye DistroKid.

Kadiri huduma za utiririshaji zinavyozidi kutoa utiririshaji bila kugandamiza, "usiopunguza ubora", suala hili halitakuwa tatizo.

Wakati huo huo, kwa kawaida kuna namna kwa wasikilizaji kuifanya sauti isikike kwa ubora. Kwa mfano, katika programu ya Spotify (programu ya kompyuta au ya simu), watumiaji wanaolipia wanaweza kwenda kwenye "Mipangilio" na kuwasha "Utiririshaji wa Ubora wa Juu."

Kupakia muziki wako na kupata malipo kutoka Spotify kupitia DistroKid ni rahisi sana. Kwa kweli, sisi ni mmojawapo wa Washirika wanaopendekezwa na Spotify!

Kando na kurahisisha katika kuuweka muziki wako kwenye Spotify, DistroKid pia hurahisisha sana kupokea mapato kutoka kwa Spotify! Utapokea 100% ya mapato yako kutoka Spotify (na washirika wengine wote wa duka tunaofanya nao kazi!) unapotumia DistroKid.

Ili kuanza:
1. Fungua akaunti ya DistroKid!

2. Chagua mpango wako wa DistroKid unaopendelea! Kumbuka, Mipango ya Musician Plus na Ultimate huja na vipengele vingi vya kupendeza, ikiwa ni pamoja na takwimu za kila siku na tarehe maalum za kutolewa kazi yako.

3. Nenda kwenye fomu ya kupakia ili kupakia kazi yako! Kwenye fomu ya kupakia, hakikisha tu kwamba Spotify imechaguliwa kutoka kwenye orodha ya washirika wetu.

4. Muziki wako ukishaorodheshwa na kuwa hewani kwenye Spotify, utaweza kuthibitisha na kufikia akaunti yako ya Spotify for Artists kutoka ndani ya akaunti yako ya DistroKid pia!

Ni hivyo tu. Ni kweli ni rahisi hivyo!

Ili kuongeza Msanii mwingine kwenye akaunti yako ya Spotify for Artists:

1. Ingia kwenye tovuti yako ya Spotify for Artists kwa kutumia kivinjari
2. Katika kona ya juu kulia, bofya kwenye ikoni ya duara yenye herufi ya kwanza ya jina lako
3. Chagua "Teams"
4. Bofya kwenye "Add Team" karibu na sehemu ya juu kulia ya ukurasa wa "Your Teams"
5. Fuata maagizo na weka URI yako ya msanii unapoombwa

Unaweza kupata URI yako ya Msanii kwa kupitia makala hii.

Zifuatazo chini ni picha za skrini za kukusaidia katika mchakato ulioainishwa hapo juu.

1.

2.

3.

4.

5.

Kuthibitishwa kwenye Spotify ni rahisi unapotumia DistroKid na huchukua chini ya dakika moja.

Ili kuthibitishwa papo hapo kwenye Spotify:

1. Ingia kwenye DistroKid
2. Bofya kwenye Menyu ya Vipengele ya DistroKid upande wa juu kulia
3. Bonyeza "Ufikiaji Maalum"
4. Bofya "Spotify for Artists" na fuata maelekezo.

Uthibitisho pia hukupa ufikiaji wa "Spotify for Artists" ambayo ni programu ya Spotify ambayo hutoa:

• Takwimu ambazo huwezi kuzipata kwingine
• Uwezo wa kusasisha picha na wasifu wako wa msanii kwenye Spotify
• Uwezo wa kuwasilisha matoleo yako mapya kwa timu yao ya wahariri
• Fursa ya kujibiwa maswali yako na timu ya Spotify
• Tiki ya bluu ya uthibitisho

Kumbuka tu kwamba inaweza kuchukua hadi wiki moja au zaidi baada ya upakiaji wako wa kwanza wa DistroKid kuwa hewani katika Spotify kabla ya toleo lako kuchakatwa kikamilifu na kutambuliwa kwenye mfumo ili kuweza kuthibitisha ukurasa wako wa msanii.

Ukiona ujumbe unaosema "Inaonekana kana kwamba huna chochote hewani kwenye Spotify (au bado hatujakigundua)," angalia tena baada ya saa 24-48 au zaidi.

Ikiwa unahitaji kuthibitishwa kabla ya toleo lako la kwanza kuwa hewani, unaweza kutafuta URI yako ya Msanii ya Spotify hapa, ili uweze kuthibitisha moja kwa moja na Spotify kwa njia ya kizamani.

Hapa chini ni video fupi inayoonyesha jinsi ilivyo rahisi kupata Wasifu wa Msanii wa Spotify Uliothibitishwa kwenye DistroKid!

Furahia!

Kulikuwa na suala ambalo huenda lilizuia toleo lako kuwa kwenye ukurasa sahihi wa msanii.

Habari njema ni kwamba kuna suluhisho rahisi!

Unaweza kuelekea https://distrokid.com/fixer na ingiza Spotify Artist URI iliyo sahihi ili kuiunganisha katika akaunti yako na kuhakikisha kuwa vipakizi vyote vya awali na vya siku za usoni vinaunganishwa kwenye ukurasa sahihi wa msanii.

Hata kama toleo lako tayari limeshahamishiwa hadi kwenye ukurasa sahihi, kufuata hatua zilizo hapa chini kutahakikisha kuwa vipakizi vyako vyote vilivyopo na vya siku zijazo vinawekwa kwenye ukurasa mmoja wa msanii.

Hatua ya 1: Tafuta URI yako ya Msanii wa Spotify

• Bonyeza vitone vitatu chini ya jina lako la msanii kwenye ukurasa wako sahihi wa msanii
• Nenda kwenye menyu ya Kusambaza
• Chagua 'Nakili Spotify URI' kutoka kwa menyu ya pili

Kumbuka: Ikiwa unatumia programu ya Spotify ya Kompyuta ya Mezani, utaona kuwa machaguo ya kusambaza yaliyopo katika menyu ya muktadha yamepunguzwa hadi Nakili Kiungo na Nakili pachika msimbo. Bado unaweza kunakili Spotify URIs ikiwa unashikilia kitufe cha kurekebisha (Alt/Ctrl) kwenye menyu ya kusambaza:

Hatua ya 2: Nenda kwenye https://distrokid.com/fixer

Ukiwa na URI yako sahihi, unaweza kutumia zana ya Kirekebishaji cha DistroKid ili kuhakikisha kuwa muziki wako wote unaunganishwa kwenye ukurasa sahihi wa msanii.

Fuata mipangilio ifuatayo:


Hakuna haja ya kubainisha toleo moja binafsi, kwa kuwa hili litahakikisha kuwa matoleo YOTE kutoka kwa msanii yuleyule yanaunganishwa ipasavyo kwenye URI sahihi.

Spotify kwa kawaida huchukua hadi siku 5 kuchakata maombi haya.

Kumbuka: Ikiwa hapo awali ulituma ombi la kuona URI yako katika https://distrokid.com/uri/spotify, ukurasa huo hautasasishwa, hata baada ya Spotify kuunganisha muziki wako kwenye URI sahihi. Usiwe na shaka!

Kupakia muziki wako na kulipwa kutoka Apple Music kupitia DistroKid ni rahisi sana.

Mbali na kurahisisha kuuweka muziki wako kwenye Apple Music na iTunes, DistroKid pia hurahisisha sana kupokea mapato kutoka kwa Apple! Utapokea 100% ya mapato yako kutoka kwa Apple Music/iTunes (na washirika wengine wote wa maduka tunaofanya nao kazi!) unapotumia DistroKid.

Ili kuanza:
1. Fungua akaunti ya DistroKid!

2. Chagua mpango wako wa DistroKid unaopendelea! Kumbuka, Mipango ya Musician Plus na Ultimate huja na vipengele vingi vya kupendeza, ikiwa ni pamoja na takwimu za kila siku na tarehe maalum za kutolewa kazi yako.

3. Nenda kwenye fomu ya kupakia ili kupakia kazi yako! Kwenye fomu ya kupakia, hakikisha tu kwamba Apple Music imechaguliwa kutoka kwenye orodha ya washirika wetu.

4. Ukishakuwa na angalau toleo moja hewani kwenye Ukurasa wako wa Msanii wa Apple, unaweza kujiandikisha kwa Apple Music for Artists na kudai ukurasa wako kwenye https://distrokid.com/am4a.

Ni hivyo tu. Ni kweli ni rahisi hivyo!

Pre-add huruhusu mashabiki wako kusikiliza wimbo mmoja au zaidi kutoka kwenye albamu au EP kwenye Apple Music kabla ya kupatikana kwa mauzo kwenye iTunes. Zaidi ya hayo, hii huongeza kiotomatiki albamu au EP kwenye maktaba yao mara tu inapokuwa tayari kwa mauzo.

[inakuwa kama hivi]


Pre-add inapatikana tu kwa EP na Albamu pekee ambapo angalau wimbo mmoja umejumuishwa kwenye Instant Gratification. Kwa maelezo zaidi kuhusu mahitaji ya Apple ya kuongeza mapema, angalia makala hii: https://itunespartner.apple.com/music/articles/rights-and-pricing_pre-adds-for-apple-music

Kwa maelezo zaidi kuhusu jinsi ya kuchagua wimbo wa Instant Gratification kwenye iTunes (kitu ambacho unahitaji kufanya ili utumie kipengele cha pre-add) angalia makala haya: https://support.distrokid.com/hc/sw/articles/360013647873

BURUDIKA 🤘🏼

Kitambulisho chako cha Apple Artist ni kitambulisho cha kipekee ambacho Apple hutoa kwa kila msanii. Unapopakia toleo jipya kwa DistroKid, unaweza kuombwa kuweka "URL yako ya Apple Artist."

Ikiwa umepakia toleo kupitia DistroKid na unahitaji kupata Vitambulisho vyako vya Msanii, Albamu au Nyimbo, unaweza kutumia URI Looker Upper ya DistroKid!

Hii hapa ni video fupi na ya haraka inayohusu jinsi ya kutumia nyenzo yetu ya Kiangalizi (Looker Upper) ili kuziona Apple ID na URL kwenye matoleo yako yoyote:

Ikiwa unabadilisha na kuanza kutumia DistroKid kutoka kwa msambazaji mwingine, hapa ni jinsi ya kuipata ndani ya Apple Music au iTunes:

1. Fungua programu ya Apple Music / iTunes
2. Tafuta jina lako la msanii katika Music / iTunes kwa kutumia upau wa kutafutia
3. Bofya "..." upande wa kulia wa jina la msanii
4. Bofya "Share"
5. Bofya "Copy Link"
   
   
   

Ni hivyo tu! Sasa unaweza kurudi kwenye fomu ya kupakia ya DistroKid na kubandika katika URL hii.

Apple hutoa aina mbalimbali za umbizo za sauti na viwango vya ubora ambavyo huvionyesha kwa wasikilizaji kwa kutumia beji mbalimbali. Hebu tuangalie maana ya kila beji na jinsi unavyoweza kuufanya muziki wako ustahiki kwa vipengele na viwango vya kusikiliza vya Apple.

Lossless Audio

Kwa muda mrefu wa historia ya utiririshaji wa muziki, sauti ililazimika kugandamizwa ili mafaili makubwa ya sauti yaweze kuchezwa kwa wakati halisi kwenye mitandao isiyokuwa na kasi. Baada ya mtandao wa simu kuwa wa kasi zaidi, na kipimo data kimeongezeka, huduma zimeweza kutoa kazi zisizogandamizwa na zilizoboreshwa kikamilifu ili ufurahie usikilizaji wako! Beji ya Lossless Audio (yaani sauti ambayo haijapoteza ubora wake) kwenye Apple Music inaonyesha kuwa unasikiliza faili la sauti ambalo haijagandamizwa ipasavyo ambalo linatoa sauti iliyo sawa na rekodi asili kama ilivyokusudiwa na msanii, wahandisi waliochanganya, na wahandisi wa kuboresha.

Napataje beji ya Sauti Isiyopoteza Ubora wake kwenye Apple Music?

Ni rahisi! Kwa hakika kila toleo linalowasilishwa kwa Apple kwa kutumia kodeki ambayo haijapoteza ubora, toleo husika litaingizwa kiotomatiki kwa uchezaji wa Sauti Isiyopoteza Ubora wake wa asili na litakuwa na beji ya Sauti Isiyopoteza. Unachohitaji kufanya ni kupakia umbizo la faili la sauti isiyopoteza ubora kwa DistroKid wakati unapopakia muziki wako. Umbizo la faili Lisilopoteza ubora ni pamoja na: FLAC, ALAC, WAV, AIFF

Hi-Res Lossless

Je, unakumbuka yale mambo yote kuhusu sauti isiyopoteza ubora wake wa asili? Naam Hi-Res Lossless audio ipo hivyo lakini ina ubora zaidi. Beji hii huwafahamisha wasikilizaji kwamba faili la sauti wanalosikia ni angalau 24bit na ina kiwango cha sampuli cha juu zaidi ya 48khz! Kwa hakika ni hi-def!

Je, ninapataje beji ya Sauti isiyopoteza ubora ya Hi-Res kwenye Apple Music?

Sawa na Sauti Isiyopoteza Ubora, kila toleo linalowasilishwa kwa Apple kwa kutumia kodeki isiyopoteza ubora, toleo husika litaingizwa kiotomatiki kwa uchezaji wa Sauti Isiyopoteza Ubora na litakuwa na beji ya Sauti Isiyopoteza Ubora. Ili kupata utambulisho wa "Hi-Res", unachohitaji kufanya ni kupakia umbizo la faili la sauti lisilopoteza ubora kwa DistroKid pale unapopakia muziki wako. Ili izingatiwe kuwa ni "Hi-Res", faili lako la sauti lisilopoteza ubora lazima liwe angalau 24bit na liwe na kiwango cha sampuli cha juu zaidi ya 48khz. Unaweza kutumia umbizo lile lile la faili lisilopoteza ubora ambalo ni: FLAC, ALAC, WAV, AIFF

Dolby Atmos

Umeshasikia kuhusu stereo, lakini umewahi kusikia ... ULTRA STEREO?

...hapana, lakini kwa kweli, Dolby Atmos ni umbizo jipya la uchezaji sauti ambalo huleta hisia ya kuzama kwa mandhari ya sauti ya 3D. Unaweza kusoma zaidi kuhusu Dolby Atmos hapa: https://support.distrokid.com/hc/sw/articles/4403029574675

Napataje beji ya Dolby Atmos kwenye Apple Music?

Ili kupata beji ya Dolby Atmos, unatakiwa kwanza kupakia mchanganyiko unaooana na Dolby Atmos kwa kazi yako. Unaweza kujifunza jinsi ya kuunda mchanganyiko wa Dolby Atmos wa muziki wako hapa: https://support.distrokid.com/hc/sw/articles/4405783945363

Ukishakuwa na mchanganyiko wa Dolby Atmos, ni rahisi kupakia maudhui yako ya Dolby Atmos kwenye DistroKid. Wasanii wanaweza kuongeza toleo la Dolby Atmos la mchanganyiko wao kwa kila wimbo kwa $26.99 kila moja - litapatikana kwenye vifaa na huduma za kutiririsha zinazoikubali ikijumuisha Apple Music na TIDAL. Hakikisha tu kwamba unachagua "Ndiyo" chini ya sehemu ya "Dolby Atmos/Spatial audio" katika fomu ya kupakia.

Apple Digital Masters

Apple Digital Masters (Hapo kabla ilijulikana kama 'Mastered for iTunes') hukuruhusu kuwasilisha kwa Apple masters zenye ubora wa juu wa sauti. Unaweza kujifunza zaidi juu ya hilo hapa: https://support.distrokid.com/hc/sw/articles/360013534534

Napataje beji ya Apple Digital Master kwenye Apple Music?

Ikiwa tayari muziki wako umeboreshwa kupitia kituo kilichoidhinishwa cha Apple Digital Masters, tujulishe kwa kuchagua "Apple Digital Masters (MFiT)" kwenye fomu yetu ya mawasiliano, na tunaweza kukuwezesha kupakia sauti hii ikiambatanishwa na beji ya Apple Digital Masters.

Kudai Chaneli yako Rasmi ya Msanii kwenye YouTube ni haraka na rahisi unapotumia DistroKid.

Jinsi ya kudai Chaneli Rasmi ya Msanii ya YouTube:

1. Hakikisha kuwa tayari una chaneli maalumu kwa maudhui yako kama msanii kwenye YouTube, na kwamba chaneli hiyo ina maudhui ya msanii yaliyopakiwa humo. Kama sivyo, tafadhali fungua chaneli, na ipe jina lako la msanii.*
   
   Kumbuka kwamba, huwezi kuomba chaneli tupu, mpya iwekwe kama Chaneli Rasmi ya Msanii. Ikiwa hakuna maudhui yanayojitegemea kwenye chaneli hiyo (angalau video moja ya YouTube, Video Fupi za YouTube hazistahiki), basi maombi hayatakubaliwa.
   
   
2. Hakikisha kuwa msanii wako ana angalau toleo moja ambalo limechagua "YouTube Music" kama huduma ya utiririshaji ndani ya DistroKid.
   
   
3. Nenda kwenye sehemu ya Chaneli Rasmi ya Msanii ya YouTube ya akaunti yako ya DistroKid. Ili kufika huko:
   
   - Bofya kwenye Menyu ya Vipengele vya DistroKid upande wa juu kulia 
   - Chagua "Ufikiaji Maalumu"
   - Chagua "Chaneli Rasmi ya Msanii ya YouTube"
   
   
4. Chagua msanii unayetaka kumshirikisha na chaneli yako ya YouTube.
   
   
5. Thibitisha kwenye akaunti yako ya YouTube.
   
   
6. Chukua chaneli yako!
   
   
7. Imekamilika!

*Vidokezo vichache:

• Unaweza tu kuunganisha msanii mmoja kwenye akaunti moja ya YouTube. Chaneli ya lebo haiwezi kubadilishwa na kuwa Chaneli Rasmi ya Msanii.
• Jina la Chaneli yako binafsi ni lazima lilingane na jina lako la msanii ili kutuma ombi la OAC.
• Mchakato wa kuomba Chaneli Rasmi ya Msanii kwa kawaida huwa ni haraka, ingawa unaweza kuchukua kuanzia siku chache hadi wiki chache. Tafadhali subiri hadi wiki 6 kwa chaneli yako kuteuliwa kama Chaneli Rasmi ya Msanii.
• Topic Channel yako inasalia kuwa chaneli tofauti, hata baada ya OAC kudaiwa
• Maombi ya OAC hayawezi kutenduliwa au kuhamishiwa kwenye chaneli mpya

---

Pindi Chaneli yako Rasmi ya Msanii inapoidhinishwa, utaweza kufikia baadhi ya vipengele vipya na vya kusisimua kwenye YouTube, ikiwa ni pamoja na:

• Kuongezeka mwonekano kupitia utafutaji wa YouTube
• Ufikiaji wa nyenzo na takwimu mahususi za wasanii katika YouTube Studio
• Uwezo wa kusasisha picha na wasifu wako kwenye YouTube Music
• Ufikiaji wa kipekee wa data na uchanganuzi kupitia YouTube Analytics for Artists
• Dokezo la muziki lililothibitishwa karibu na jina la chaneli yako

Hii hapa ni video kutoka YouTube iliyo na maelezo ya ziada kuhusu ina maana gani pale DistroKid inapokusaidia kupata sifa kwa ajili ya Chaneli Rasmi ya Msanii:

Furahia!

Kama msanii, endapo unasambaza kazi yako kwa YouTube kupitia DistroKid, tunatuma kazi yako kwa YouTube Music. YouTube Music ni huduma ya utiririshaji muziki.

Unaposambaza kazi yako kwenye YouTube Music, muziki wako pia hutengeneza vile vinavyoitwa Art Tracks, ambavyo bado ni taswira, matoleo ya sauti pekee yanayojaza Chaneli ya Mada.

Chaneli za Mada huonyesha kile ambacho Wasifu wako wa Msanii wa YouTube Music unapatikana kwa ajili ya kutiririshwa. Tofauti pekee ni kwamba Chaneli za Mada zinapatikana kwenye tovuti kuu ya YouTube, ilhali wasifu wako wa msanii unapatikana kwenye YouTube Music.

Unalipwa kwa kila uchezaji wa muziki wako uliowezeshwa uchumaji wa pesa. Uchezaji "uliowezeshwa kuchuma pesa" hutokea wakati YouTube inaonyesha tangazo katika video yako au wakati mtumiaji anayelipia YouTube Music anapotiririsha muziki wako (katika hali ambayo unalipwa kulingana na kiasi wanacholipa na asilimia ngapi ya muda alisikiliza nyimbo zako).

Kuwasilisha muziki wako YouTube Music pia huhakikisha kuwa una sifa ya kubadilisha chaneli yako kuwa Chaneli Rasmi ya Msanii, ambayo huja na maelfu ya manufaa ya ziada! Unaweza kusoma zaidi kuhusu Chaneli Rasmi ya Msanii hapa.

Kwa sasa YouTube Music inapatikana Marekani, Uingereza, Ujerumani, Ufaransa, Uhispania, Italia, Urusi, Kanada, Ireland, Finland, Norway, Uswidi, Australia, New Zealand, Mexico na Korea Kusini, na itapatikana popote ambapo YouTube inatoa huduma ya kulipia muziki kadri maeneo mapya yanapoongezewa. Ikiwa unajaribu kucheza video za YouTube Music Art Track kutoka nje ya maeneo haya yanayotumika, unaweza kuona ujumbe kwamba maudhui hayapatikani.

Hapa kuna maelezo zaidi:

http://youtube-global.blogspot.com/2014/11/youtube-music-2014.html

http://www.theverge.com/2014/11/12/7201969/youtube-music-key-new-subscription-service

Iwapo una muziki tayari kwenye YouTube Music, unaweza kuelekea kwenye profaili yako ya YouTube Music ili kuipata URL yako ya Msanii. YouTube Music ipo https://music.youtube.com/.

Ukiwa hapo, unaweza kutafuta jina lako la kisanii katika kipengele cha kitafuti kilicho kwenye upau wa menyu ya juu:

Ukishapata Ukurasa wako wa Msanii wa YouTube Music, unaweza kupata URL ya Msanii wa YouTube Music kwa kubonyeza vitone vitatu karibu na jina lako la kisanii na kisha kubonyeza chaguo la "Sambaza":

Unapaswa kuona kisanduku cha mazungumzo na unaweza kubonyeza kitufe cha "Nakili".

URL yako inapaswa kufanana kama hii: https://music.youtube.com/channel/EXAMPLEURL

YouTube imezima maoni kwenye Art Tracks zote za YouTube zinazozalishwa kiotomatiki, kama vile video zinazotengenezwa unaposambaza kwenye YouTube Music.

Hili linashughulikiwa moja kwa moja na YouTube, na sio jambo ambalo DistroKid (au msambazaji mwingine yeyote) ana udhibiti nalo.

Maelezo zaidi kutoka YouTube yapo hapa: https://support.google.com/youtube/answer/9293636?hl=sw&sjid=4588316039683233445-EU

Ukiwa na DistroKid, unaweza kuutuma muziki wako Facebook na Instagram, ili mashabiki waweze kuipata kazi yako na kuitumia katika Stories na Reels!

Unapokuwa na muziki wako kwenye Facebook na Instagram, unaweza pia kuhakikisha kuwa profaili zako za Facebook/Instagram zimeunganishwa na muziki wako hapo, ili mashabiki wapate kuiona profaili yako wa msanii hapo.

Ili kuunganisha profaili zako za Facebook na Instagram, unaweza kuingiza URL zako za Facebook na Instagram kwenye fomu ya kupakia unapopakia toleo lako:

Ninapataje URL zangu za Facebook na Instagram?

Kwa Instagram, URL ya profaili yako ni https://instagram.com/YOURINSTAGRAMHANDLE

Ikiwa unapatikana Instagram kama @Artistname, URL yako ya Instagram itakuwa:
https://instagram.com/Artistname

Kwa Facebook, URL yako ni https://facebook.com/YOURUSERNAME

Ndani ya Facebook, unaweza kulipata jina unalotumia iwapo ulilipoteza na/au ulibadilishe kwa ukurasa wako wa msanii kwa kubonyeza ikoni ya profaili yako kwenye sehemu ya juu kulia, ukibonyeza "Settings and Privacy", kisha kubonyeza "Settings". Hapa, utakuwa kwenye kichupo cha Mipangilio Jumla ya Ukurasa, kinachokuruhusu kuipata au kuibadilisha URL iliyopo ya Facebook kwa Facebook Artist Profile.

Ndiyo! DistroKid alikuwa msambazaji wa kwanza kuwasaidia wasanii kuyaweka matoleo yao kwenye TikTok!

Hivi ndivyo unavyoweza kupakia kazi yako kwenye TikTok, na nini unatarajia mara ukishafanya hivyo:

• Unaweza kuchagua kusambaza kwenye TikTok katika sehemu ya juu ya fomu ya kupakia, pamoja na maduka mengine na huduma za utiririshaji.
• Ili kuongeza muziki uliopakiwa awali kwenye maduka mapya, bofya tu "Ongeza kwenye maduka zaidi" kwenye ukurasa wa dashibodi ya albamu yako. Ukishabofya hii, utaonyeshwa orodha ya maduka ambayo muziki wako unakosekana kutoka kwenye usambazaji wa awali. Chagua maduka ambayo ungependa kuongeza kwa ajili ya usambazaji, na kisha bofya "ongeza."
• Matoleo yanapaswa kuwa hewani na kuweza kutafutika katika programu ndani ya wiki 1-3 baada ya kuwasilishwa kupitia DistroKid. 
• Muziki wako unaweza kuzalisha pesa ukitumika kwa video na mtumiaji wa TikTok.
• TikTok sio huduma ya muziki ambapo watumiaji wanaweza kutiririsha muziki wa urefu kamili wanapohitaji. Watumiaji wanaweza kupachika vipande vya nyimbo kwenye video zao.

Ninawezaje kuanzisha TikTok Artist Account?

Unaweza kutuma ombi la kupata TikTok Artist Account moja kwa moja kupitia kwa kutumia akaunti yako ya DistroKid!

Nenda kwenye https://distrokid.com/tiktok-artist-account/ ili kuanza na kuongeza kipengele hiki kwenye akaunti yako ya TikTok.

Wasanii wote wanaosambaza kupitia DistroKid na wana Artist Account kwenye TikTok wanaweza kuonyesha nyimbo zao kwenye wasifu wao wa TikTok kwenye kichupo cha TikTok cha "Music Tab".

Napataje kiungo cha Sauti yangu kwenye TikTok?

Fungua TikTok, kisha bofya kwenye kipengee cha "Search". Kisha tafuta Jina lako la Kisanii na Jina la Wimbo. Kisha, kwenye safu ya juu inayochuja matokeo, unapaswa kuona chaguo linalosema "Sounds", bofya hilo na upate sauti yako. Kisha unaweza kubofya Aikoni ya "Share" iliyopo sehemu ya juu kulia ili kunakili kiungo chako cha sauti:

Je, bado kuna sifa zinazohitajika ili kupata Kichupo cha Muziki?

Kinachohitajika tu ni uwe na angalau wimbo mmoja uliosambazwa kwenye TikTok. Tafadhali pia hakikisha kuwa akaunti yako ya TikTok imetolewa mahususi kwa ajili ya muziki wako na jina lako la kisanii limeorodheshwa.

Tafadhali kumbuka kuwa DistroKid haina udhibiti wowote juu ya vigezo vya TikTok vya kudai Artist Account na hatuna idhini ya kufikia hali ya maombi haya.

Je, Sauti Asili za watumizi wengine zitaongezwa moja kwa moja kwenye kichupo cha muziki wangu?

Hapana, ni nyimbo zilizowasilishwa kirasmi pekee. Ili kudai Sauti Asili inayotumia wimbo wako angalia makala hii.

Nikipata kichupo cha Muziki, je, nyimbo zangu zote zitaongezwa?

Ndiyo! Nyimbo zote zilizowasilishwa hapo awali zitaonekana, na matoleo yote ya mbeleni yataunganishwa kiotomatiki. TikTok pia imetoa taarifa kwamba wanatengeneza kipengele cha kuondoa nyimbo ili kuondoa nyimbo za zamani ambazo ziliondolewa kwenye kichupo chako cha muziki siku zijazo.

Ni rahisi kunakili kiungo kwenye nyimbo zako pendwa zilizopo Anghami. Kwanza, tafuta wimbo, albamu, au msanii ambaye ungependa kupata URL yake. Kinachofuata...

1. Bonyeza vitone vitatu karibu na jina la msanii/albamu/wimbo
2. Bonyeza "Share" (Sambaza)
3. Bonyeza "Copy" (Nakili)

Sasa unayo URL kwenye ubao wako wa kunakili!

Ili kutaka ukurasa wako wa msanii kwenye Anghami, tafadhali nenda artists.anghami.com na fuata hatua zifuatazo hapa chini:

1. Nenda kwa artists.anghami.com,
2. Bonyeza 'Nyakua Profaili yako',
3. Tafuta Jina lako la Msanii au kwa kutumia Kiungo chako cha Msanii, bonyeza Nenda,
4. Ichague kutoka kwenye menyu kunjuzi,
5. Pitia maelezo yako ya msanii na bonyeza Kinachofuata,
6. Ingiza Jina lako la Kwanza na Jina la Mwisho (kama yalivyoandikwa kwenye pasipoti yako),
7. Ingiza Barua pepe yako na Namba ya Simu,
8. Ingiza Nenosiri lako (angalau vibambo 6 na namba 2).
9. Utapokea uthibitisho wa barua pepe katika kisanduku chako. Vilevile usisahau kuangalia folda lako la Barua Taka. Bonyeza kiungo kilicho ndani yake ili kuthibitisha barua pepe yako,
10. Ingiza msimbo uliopokea kupitia SMS ili kuthibitisha namba yako ya simu,
11. Bonyeza 'Nyakua Profaili yangu'.

Wasilisho la unyakuzi wako utakaguliwa ndani ya siku 2 za kazi na utaarifiwa kuhusu hali ya akaunti yako kupitia barua pepe.

DistroKid na Twitch wameshirikiana ili kuwapa wasanii wa DistroKid wenye sifa fursa zaidi za kukuza jumuiya zao na kupata pesa kutokana na muziki. Utiririshaji kwenye Twitch huwaruhusu wasanii kuchangamana moja kwa moja na mashabiki wao katika hali ya kuwa pamoja hewani ambayo haipatikani kwingine.

Kupitia ushirikiano wetu, wasanii wa DistroKid wana fursa ya kuzingatiwa kujiunga na The Collective. Wasanii wanaochaguliwa na Twitch kwa ajili ya programu watapata usaidizi endelevu kutoka Twitch, na kustahiki mpango wa ugunduzi uliopewa kipaumbele, promosheni, na amsha amsha kutoka Twitch, Discord na washirika wengine wa tasnia.

Twitch ina taarifa zote unazohitaji ili kwenda hewani, kujenga jumuiya yako na kupata pesa kwa kufanya kile unachopenda.

Tuma maombi ya kujiunga na The Collective leo!

Vidokezo: Kwa sasa, mpango huu upo wazi kwa wasanii wanaoishi Marekani au Kanada pekee na ambao wana umri wa miaka 18+.

Je, unahitaji usaidizi zaidi? Jiunge na Jumuiya ya Twitch Music Assist kwenye Discord kwa ushauri kutoka kwa watengenezaji muziki wa Twitch kuhusu maunzingumu, yaani hardware, programu na kupangalia chaneli yako.