Utiririshaji Bandia, ambao pia unajulikana kama utiririshaji wa kilaghai au "botting", ni wakati ambapo msanii anatumia njia za kidanganyifu kuongeza idadi ya mitiririsho, au muziki wao unahusika na vitendo kama hivyo.

Iwapo mitiririsho mingi ya toleo lako inagunduliwa kuwa ni ya bandia, kuna uwezekano muziki wako utaondolewa kwenye huduma za kutiririsha, na malipo ya mirabaha iliyopatikana kutokana na mitiririsho bandia haitalipwa. Unaweza pia kupokea onyo kutoka kwa DistroKid na/au akaunti yako ya DistroKid itafungwa.

Hili ni jambo zito na linapaswa kusisitizwa:

• USILIPIE HUDUMA YOYOTE INAYOJINADI KUTOA MITIRIRISHO ZAIDI
• USILIPIE HUDUMA YOYOTE INAYOJINADI KUTOA WAFUASI ZAIDI
• USILIPIE HUDUMA YOYOTE INAYOJINADI KUWEKA ORODHA YA KUCHEZA

Kulipia Mitiririsho Zaidi

Sio dhahiri kila wakati kwamba huduma unazojisajili kukusaidia kukua kama msanii ni za udanganyifu, kama vile kupitia kampuni za kutoa "promo" ambazo zinadai kwamba zinatengeneza matangazo. Kampuni hizi za promo mara nyingi ni za kitapeli.

Wakati mwingine, udanganyifu wa utiririshaji hautokani na msanii kuwa na nia mbaya, bali inatokana na kununua kampeni za promo zenye kutia mashaka. Ikiwa unapanga kuendesha kampeni za promosheni ya muziki wako, tafadhali fanya utafiti wako na ufanye kazi na kampuni zenye sifa njema tu. Kuna kampuni nyingi zinazojinadi kuwa ni za "promosheni" au za "matangazo" ambazo zinaonekana kuwa ni kampuni halali, lakini ukweli ni zinatumia roboti na mbinu zingine potofu ili kuongeza mitiririsho kibandia. Kwa kawaida mwishowe huwa vibaya kwa wasanii wanaojihusisha na kampuni hizi.

Orodha za nyimbo zenye Utiririshaji Bandia

Pia ni muhimu sana kuwa mwangalifu kwa orodha za nyimbo ambazo muziki wako umeongezwa, hata kama hukulipa ili kuwekwa kwenye orodha hizi. Kwa bahati mbaya, kuna wamiliki wa orodha za nyimbo ambao huinua orodha zao za nyimbo kupitia utiririshaji danganyifu. Ikiwa muziki wako unawekwa kwa mojawapo ya orodha hizi za nyimbo, inaweza kusababisha mitiririsho bandia na hivyo kusababisha kuondolewa kwa toleo lako.

Tumetoa hatua za kuangalia orodha za nyimbo ambazo umeongezwa katika makala yetu ya Maswali Yanayoulizwa Mara kwa Mara hapa.

Nyenzo hii ni nzuri kwa kuangalia ikiwa orodha ya nyimbo uliyomo inatumia boti: https://www.artist.tools/bot-checker

Ikiwa ungependa kuripoti orodha ya nyimbo inayotiliwa shaka kwa Spotify, tafadhali tembelea https://artists.spotify.com/c/playlist-reporter.

Jinsi Majukwaa Yanavyoshughulikia Utiririshaji Bandia

Washirika wetu wa utiririshaji wanafanya kazi wakati wote ili kugundua na kuzuia utiririshaji wa kidanganyifu kwenye majukwaa yao. Kumbuka kuwa huduma za utiririshaji zina haki ya kuondoa maudhui yaliyopindishwa kwenye majukwaa yao. Angalia taarifa hii moja kwa moja kutoka Spotify:

Mtiririsho bandia ni mtiririsho ambao hauakisi dhamira halisi ya usikilizaji wa watumiaji, ikiwa ni pamoja na jaribio lolote la kudanganya mifumo ya Spotify kwa kutumia njia za kiotomatiki (roboti au skripti).
 

Tunawekeza raslimali muhimu za uhandisi na utafiti ili kugundua, kupunguza, na kuondoa shughuli za utiririshaji bandia kwenye Spotify, na hivyo kuhakikisha hakuna chochote kitakachozuia dhamira yetu ya kuwapa wasanii fursa ya kupata riziki kutokana na sanaa zao, na pia kuona wamiliki wa haki wanalipwa vizuri kadri iwezekanavyo kwa kazi zao. Uadilifu katika hili ni muhimu sana kwetu kwa sababu mtiririsho usio halali upande mmoja, unamaanisha kuna wasanii waaminifu, na wanaofanya kazi kwa bidii kwa upande mwingine ambao wanaathiriwa.

Maelezo zaidi kutoka Spotify hapa:
Spotify inajilindaje dhidi ya utiririshaji bandia?