Jinsi ya Kutoa Muziki kwenye DistroKid: Hatua kwa Hatua kwa Wanachama Wapya

Vitu vya kuandaa:

• Faili yako ya sauti (WAV au FLAC zina sauti bora zaidi)
• Mchoro wa jalada wa umbo mraba (pikseli 3000 x 3000)

Hatua ya 1: Chagua maduka yako

DistroKid husambaza kwenye maduka zaidi ya 150: Spotify, TikTok, YouTube, Apple Music, na mengine. Chagua yale unayotaka muziki wako upatikane.

Hatua ya 2: Ongeza maelezo ya toleo lako

Pakia faili lako la sauti na mchoro wa JPG mraba, kisha jaza maelezo ya toleo lako:

• Jina lako la msanii
• Jina (majina) ya wimbo
• Jina la albamu
• Majina ya watunzi wa nyimbo na washiriki

Hatua ya 3: Chagua tarehe ya kutolewa

• Mipango ya Musician Plus na Ultimate inakuwezesha kuchagua tarehe yoyote mbeleni kama siku ya kutolewa
• Ikiwa upo kwenye Mpango wa Musician, toleo lako litaenda hewani mara tu linapochakatwa

Ikiwa ungependa muziki wako kwenda hewani kila mahali siku moja, tunapendekeza upakie takriban wiki 4 mapema. DistroKid huwasilisha matoleo haraka kuliko msambazaji mwingine yeyote, lakini muda wa ziada unazipa huduma za kutiririsha nafasi ya kuchakata toleo lako kabla halijaenda hewani.

Hatua ya 4: Ongeza nyimbo zako

Kwa kila wimbo:

• Weka jina la wimbo
• Pakia faili yako ya sauti
• Ongeza taarifa za mtunzi wa nyimbo
• Onyesha mistari yenye lugha chafu ikiwa inahitajika

Unaweza pia kuongeza wasanii walioshirikishwa na watunzi wa nyimbo, kupata leseni ya wimbo wa kava, na kuweka bei maalum na muda wa kuanza wa kipande cha kusikilizisha.

Hatua ya 5: Kagua na uwasilishe

Kagua toleo lako kwa mara ya mwisho. Likiwa tayari:

• Chagua visanduku vinavyohitajika
• Bofya Endelea

Baada ya kupakia

Inachukua muda gani?

DistroKid wanawasilisha muziki wako haraka zaidi kuliko msambazaji mwingine yeyote. Matoleo mengi huonekana kwenye maduka ndani ya siku chache.

Muda wa kawaida:

• Spotify: siku 1 hadi 2
• Apple Music: siku 1 hadi 7
• YouTube Music: siku 1 hadi 3

Baadhi ya matoleo huchukua hadi wiki 2 kuonekana kila mahali. Mara tu DistroKid wanapowasilisha toleo lako, kila huduma ya kutiririsha inachakata kulingana ratiba yake.

Unatoa wimbo wa kava?

Nyimbo za kava zinahitaji leseni, ambayo huchukua muda. Subiri hadi siku 14 za kazi ili tuweze kuziwasilisha.

Ukurasa wako wa HyperFollow

Baada ya kupakia, tutakutengenezea bila malipo ukurasa wa HyperFollow unaokidhi mahitaji yako kwa ajili ya toleo lako.

Sambaza kwenye mitandao ya kijamii ili kukusanya hifadhi za mapema za Spotify kabla ya siku ya kutolewa na kuwapa watu sehemu moja ya kupata muziki wako utakapokuwa hewani.

Pata kurasa zako hapa:

https://distrokid.com/hyperfollow

Ninaweza kupakia maumbizo yepi ya sauti?

DistroKid inakubali:

• WAV
• FLAC
• MP3
• M4A
• AIFF
• WMA

WAV na FLAC zinapendekezwa kwa ubora wa hali ya juu wa sauti.

Je, ni mahitaji gani ya mchoro wa jalada?

Mchoro wa jalada unapaswa kuwa:

• Mraba
• Angalau pikseli 1000 x 1000
• Mtindo wa rangi ya RGB

Picha zinazopendekezwa ni umbizo la JPG la mraba 3,000 x 3,000. Hili ni pendekezo tu—tunakubali vipimo vingi vya picha.

Je, ninahitaji ISRC au UPC?

Hapana. DistroKid wanazalisha zote kiotomatiki na bila malipo wakati wa kupakia.

Ikiwa upo kwenye mipango ya Musician Plus au Ultimate, unaweza pia kuongeza ISRC na/au UPC zako mwenyewe wakati wa kupakia.

Ninaweza kuchagua tarehe ya kutolewa ninayopendelea?

Ndiyo, ukiwa na Musician Plus au Ultimate. Ikiwa upo kwenye mpango wa Musician, toleo lako litatumwa kwenye maduka mara tu linapochakatwa, na litaenda hewani mara baada ya kila duka kukamilisha mchakato wake wa kukagua na kuwasilisha.

HyperFollow ni nini?

HyperFollow ni ukurasa wa tovuti wa bila malipo ambao DistroKid huunda kwa kila toleo. Unaweza kukusanya hifadhi za mapema za Spotify kabla ya siku ya kutolewa na unasasishwa kiotomatiki na viungo vya kutiririsha baada ya muziki wako kwenda hewani.