Kuelewa Majukumu ya Wasanii

Majukumu ya msanii ni vitambulishi unavyoweza kutumia kuonyesha huduma ni majukumu gani msanii fulani alifanya katika utengenezaji au utumbuizaji wa toleo husika. Majukumu haya yanaweza kuonyeshwa katika ngazi ya wimbo au ya albamu. Huduma zinakubali majukumu yafuatayo ya msanii kutoka DistroKid:

Msanii wa Albamu

Msanii wa Albamu au "mtumbuizaji" ndiye msanii mkuu kwenye ngazi ya albamu. Kwa mfano, kwenye albamu ya Kendrick Lamarya DAMN., "Kendrick Lamar" ndiye Msanii wa albamu hii.

Endapo una nyimbo chache kwenye toleo lako lenye wasanii wengi, lakini nyingi zimefanywa na msanii mmoja, tafadhali orodhesha tu msanii atakayeonekana katika kila wimbo katika Sehemu ya "Jina la Msanii/bendi". Hii itaashiria Msanii wa Albamu kwa toleo hilo. Kwa nyimbo zenye msanii zaidi ya mmoja, utaorodhesha wasanii wa ziada (Walioshirikishwa, Mtengeneza Remix, Msanii Mkuu wa Ziada) kwenye ngazi ya wimbo.

Msanii Mkuu

Msanii mkuu ndiye msanii muhimu zaidi katika ngazi ya wimbo. Wimbo unaweza kujumuisha Msanii wa Albamu na washirika wengine wa ziada waliopewa sifa kama wasanii wakuu. Kwa mfano, kwenye albamu ya Moore Kismet Vendetta for Cupid, Moore Kismet ndiye Msanii wa Albamu. Kwenye wimbo Rumor, wote WYN na Moore Kismet ni Wasanii Wakuu, na hivyo kuufanya wimbo huo kuwa ushirikiano.

Msanii aliyeshirikishwa

Msanii aliyeshirikishwa ni msanii yeyote anayesaidia katika uimbaji wa wimbo lakini si katika ngazi ya msingi kama ya msanii mkuu. Wasanii walioshirikishwa hujitokeza katika aya au kama wanavokali kwenye wimbo. Mfano, kwenye SOS (feat. Aloe Blacc) ya Avicii, "Aloe Blacc", ambaye anaimba kwenye wimbo huo, ni msanii anayeshirikishwa kwenye wimbo, ilhali "Avicii" ndiye Msanii Mkuu na wa Albamu.

Mtengeneza Remix

Mtengeneza remix ni msanii ambaye hutengeneza remix za kazi asili. Kwa mfano, katika Love That Never (IMANU Remix) ya TOKiMONSTA, "IMANU" ndiye mtengeneza remix, huku "TOKiMONSTA" anasalia kuwa msanii mkuu wa wimbo asili.

Mtayarishaji

Jukumu la mtayarishaji wa muziki limebadilika hivi majuzi, lakini kwenye Spotify, waliochangia kwa utayarishaji wanaorodheshwa chini ya maelezo ya wimbo. Kwa mfano, katika wimbo Buddy Holly ya Weezer, "Ric Ocasek" amechangia kama mtayarishaji wa muziki. Ili kuona waliochangia kwa utayarishaji kwenye Spotify, bofya Kijipanya kulia kwa wimbo katika programu ya kompyuta na uchague "Onyesha Waliochangia."