Wimbo unapaswa kutimiza mahitaji kadhaa kwanza ili uweze kutumia DistroKid Publishing. Zaidi, aina fulani za kazi za muziki hazikidhi mahitaji ya kusajiliwa kupitia DistroKid Publishing.
Wimbo Unahitaji Nini Kabla ya Kuusajili kwa DistroKid Publishing?
Kabla ya kusajili wimbo, lazima wimbo husika utimize mahitaji machache ya msingi:
- Utunzi Asilia wa Muziki: Utunzi lazima uwe wa asili na uwe umeundwa na wewe. Hauwezi kunakiliwa au kutolewa kutoka kwa kazi ya mtu mwingine.
- Taarifa za mtunzi wa nyimbo: Tunahitaji kujua unamiliki asilimia gani ya utunzi na ni asilimia ngapi inamilikiwa na watunzi wenzako. Usijali, tutakusanya tu sehemu unayoimiliki.
Umewekwa kwa hifadhi Inayogusika: Wimbo lazima uwe katika mfumo unaoweza kuchapishwa tena, kama vile faili ya sauti, noti za muziki, mistari, au rekodi yake ukiimbwa. Faili za kidijitali unazounda na kupakia kwa DistroKid zinahesabiwa.
Je, Nyimbo Ulizoajiriwa Kutengeneza (Work-for-Hire) Zinakidhi mahitaji?
Ndiyo, nyimbo ulizoajiriwa kutengeneza (work-for-hire) zinakidhi mahitaji ya kusajiliwa kupitia DistroKid Publishing. Ikiwa makubaliano yalikuwa kukuajiri kutengeneza wimbo, mwajiri kwa kawaida ndiye mwenye hakimiliki, lakini bado unaweza kuusajili ikiwa una ruhusa kutoka kwa mwenye hakimiliki ili kudhibiti utunzi.
Ni Aina Gani za Nyimbo Hazikidhi Mahitaji ya Kusajiliwa?
Aina za kazi zifuatazo haziwezi kusajiliwa kupitia DistroKid Publishing:
- Nyimbo za Kava: Wimbo wowote ulioandikwa na mtu mwingine, hata kama ulirekodi toleo lako mwenyewe.
- Kazi Zisizo za Muziki na Madoido ya Sauti: Sauti za asili, rekodi za mazingira, kelele za wanyama, kelele za mashine (honi za gari, vifaa, n.k.), au sauti yoyote ambayo haina utunzi asili wa muziki.
- Mtunzi wa nyimbo na/au Majina ya Nyimbo yenye Herufi zisizo za Kilatini: Kwa sasa, mawasilisho yote kwa DistroKid Publishing hayapaswi kujumuisha majina ya watunzi wa nyimbo au majina ya wimbo yenye herufi zisizo za alfabeti ya Kilatini.
- Sanaa ya kuongea pekee: Masimulizi, mashairi au vipande vya sanaa ya kuongea (spoken word) bila muziki asili (ikiwa kazi ya sanaa ya kuongea ina muziki asili uliotunga, huenda ikakidhi mahiataji).
- Rekodi za 3D (Binaural)/kutafakari/kutuliza: Utulivu wa kuelekezwa (Hypnosis), utulivu, kelele ya nyuma (white noise), au rekodi za kutafakari hazikidhi mahitaji isipokuwa zikiwa na utunzi asilia wa muziki.
- Kazi zilizo katika miliki ya umma: Utunzi ambao upo kikamilifu katika miliki ya umma hauwezi kusajiliwa.
- Nyimbo ambazo tayari zinasimamiwa kwingineko: Ikiwa mchapishaji mwingine au msimamizi wa uchapishaji tayari anakusanya mirabaha ya utunzi, DistroKid Publishing hawawezi kukusanya mirabaha ya uchapishaji kwa kazi hiyo.
Sign Up